លោក ម៉ៅ ធនិន្ទ អិបាលខេត្តពោធិសាត់ ចូលរួមដោះស្រាយទំនាស់ដីធ្លីរ៉ាំរៃចំនួន ២៤ករណី

(ពោធិសាត់) ៖ លោកម៉ៅ ធនិន្ទ អភិបាលខេត្តពោធិសាត់ បានដឹកនាំអាជ្ញាធរ ឃុំ ស្រុក និងប្រជាពលរដ្ឋ ដែលបានមានទំនាស់ដីធ្លីរ៉ាំរៃជាច្រើនឆ្នាំ កន្លងមកហើយនោះ ចំនួន ២៤ករណី ត្រូវបានសម្របសម្រួលដោះស្រាយបញ្ចប់ប្រកបដោយជោគជ័យ។

ការចុះសម្របសម្រួល និងដោះស្រាយដីធ្លីនោះ ធ្វើឡើងក្នុងសាលាស្រុកក្រគ ដែលមានអ្នកចូលរួមគ្រប់ភាគីពាក់ព័ន្ធទាំងអស់ ដើម្បីពិភាគ្សា ជជែកដោះស្រាយគ្នាតាមនិតិវិធី ពេញមួយថ្ងៃ នាថ្ងៃទី១៨ ខែមិថុនា ឆ្នាំ២០១៧នេះ ក្រោមអធិបតេយភាពលោក ម៉ៅ ធនិន្ទ គណៈអភិបាល នៃអភិបាលខេត្តពោធិសាត់ជាលទ្ធផលការដោះស្រាយនោះទំនាស់ដីធ្លីដ៏រ៉ាំរៃទាំង ២៤ករណី ក្នុងស្រុកក្រគ ត្រូវបានបញ្ចប់ទាំងស្រុងតែម្តង។

ប្រជាពលរដ្ឋ ដែលមានទំនាស់ដីធ្លី បានថ្លែងអំណរគុណដល់ អាជ្ញាធរគ្រប់លំដាប់ថ្នាក់ ជាពិសេសលោកអភិបាលខេត្តពោធិសាត់ ដែលបានជួយដោះសម្របសម្រួលលបញ្ហាទំនាស់ដីដ៏រ៉ាំរៃរបស់គាត់បានបញ្ចប់ទាំងគ្រប់ទាំងស្រុង៕