សមត្ថកិច្ចកងរាជអាវុធហត្ថស្រុបារាយណ៍ឃាតខ្លួនជនសង្ស័យ២នាក់ដោយសារពាក់ព័ន្ឋគ្រឿងញៀន

សមត្ថកិច្ចកងរាជអាវុធហត្ថស្រុបារាយណ៍ឃាតខ្លួនជនសង្ស័យ២នាក់ដោយសារពាក់ព័ន្ឋគ្រឿងញៀន

កំពង់ធំៈ សមត្ថកិច្ចកងរាជអាវុធហត្ថស្រុកបារាយណ៍ បានឃាត់ខ្លួនជនសង្ស័យ២នាក់ ដែលមានការពាក់ព័ន្ឋនឹងការប្រើប្រាសគ្រឿងញៀន កាលពីវេលាម៉ោង២០.១៥នាទីថ្ងៃទី១៤ ខែមិថុនា ឆ្នាំ ២០១៧ នៅចំណុចភូមិត្រពាំង ស្វាយឃុំល្ល័ង្គ ស្រុកបារាយណ៍ ខេត្តកំពង់ធំ ក្រោមការបញ្ជាដឹកនាំដោយលោក អនុសេនីយ៍ឯក សេង សំ មេបញ្ជាការរងស្រុកបារាណយណ៍ ។

ក្នុងករណីបង្រ្កាបគ្រឿងញៀននេះ សមត្ថកិច្ចកងរាជអាវុធហត្ថស្រុកបារាយណ៍ ចំនួន04នាក់រថយន្តនិងរថយន្ត១គ្រឿងបាន ចុះបង្រ្កាបទីតាំងសេពគ្រឿងញៀន ឃាត់ខ្លួនសង្ស័យចំនួន០២នាក់ថ្នាំញៀនប្រភេទម្សៅសក្រាមចំនួន02កញ្ចប់តូចនិងម៉ូតូ01គ្រឿង ជនសង្ស័យទាំង២នាក់ ត្រូវបានស្គាល់ឈ្មោះ ទី១ឈ្មោះ លន់ ឆេងហួរ ភេទប្រុស អាយុ២០ឆ្នាំ រស់នៅភូមិវាំង ឃុំតាំងក្រសាំង ស្រុកសន្ទុក ខេត្តកំពង់ធំ និងទី២ ឈ្មោះផល្លា ជីងតុង ភេទប្រុស អាយុ២១ឆ្នាំ រស់នៅភូមិ7មករា ឃុំតាំងក្រសាំងស្រុកសន្ទុក ខេត្តកំពង់ធំ រួមទាំងម៉ូតូ០១គ្រឿង ម៉ាកC125ពណ៍ខ្មៅ គ្មានស្លាកលេខ។

តាមការឲ្យដឹងពីលោក អនុសេនីយ៍ឯក សេង សំ មេបញ្ជាការរងស្រុកបារាណយណ៍ បានឲ្យដឹងថា ដោយមានការណែនាំ និងចង្អុលបង្ហាញពី ឧត្តមសេនីយ៍ត្រី ហង្ស ថុល មេបញ្ជាការកងរាជអាវុធហត្ថ ខេត្តកំពង់ធំ ឲ្យពង្រឹងតាមមូលដ្ឋាន ចូលរួមសហការជាមួយនឹង អាជ្ញាធរដែនដី និងកងកម្លាំងសមត្ថកិច្ច ដើម្បីទប់ស្កាត់ការពារ ការជួញដូរ និងប្រើប្រាស់គ្រឿងញៀន កុំឲ្យមានការនាំចូលមកក្នុងមូលដ្ឋាន ស្របតាមគោលនយោបាយភូមិ ឃុំ មានសុវត្តិភាពទាំង៩ចំនុច ។

ជនសង្ស័យទាំង២នាក់ ត្រូវបានបញ្ជូនមកកាន់ ទីបញ្ជាការកងរាជអាវុធហត្ថស្រុកបារាយណ៍ ដើម្បីកសាងសំណុំរឿងបញ្ជូនទៅទីបញ្ជាកាកងរាជអាវុធហត្ថខេត្តកំពង់ធំ រួមទាំងវត្ថុតាងមានម៉ូតូមួយគ្រឿង និងថ្នាំញៀន២កញ្ចប់ ។