ពិធីចែកអំណោយមនុស្សធម៌ដល់គ្រួសារក្រីក្រកុ្នងឃុំពពកស្រុកស្ទោង

ពិធីចែកអំណោយមនុស្សធម៌ដល់គ្រួសារក្រីក្រកុ្នងឃុំពពកស្រុកស្ទោង
កំពង់ធំ= ថ្ងៃទី១៣ ខែ មិថុនាឆ្នាំ២០១ ឯកឧត្តម គង់ វិមាន អនុប្រធានកិត្តិយសសាខាកាកបាទក្រហមកម្ពុជាខេត្តកំពង់ធំនិងក្រុមការងារបាននាំយកអំណោយទៅ ចែកជូនដល់គ្រួសារក្រីក្រ ចំនួន១២គ្រួសារ នៅឃុំពពក ស្រុកស្ទោង ខេត្តកំពង់ធំ។ ឯកឧត្តម បានមានប្រសាសន៍ពីការធ្វើការផ្តាំផ្ញើការសាកសួរសុខទុក្ខពីសំណាក់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ជូនដល់បងប្អូនប្រជាពលរដ្ឋក្រីក្រទាំងអស់និងដែលជានិច្ចកាលសម្តេចតែងបានគិតគូរ អំពីការលំបាករបស់បងប្អូនប្រជាពលរដ្ឋទាំងអស់ក្នុងមូលដ្ឋាន ជាពិសេសជនក្រីក្រ ជនងាយរងគ្រោះ ជនចាស់ជរា អ្នកផ្ទុក មេរោគអេដស៍និងទុរគតជននានា។ឯកឧត្តមបានធ្វើការផ្តាំផ្ញើរដល់បងប្អូនប្រជាពលទាំងអស់ សូមថែរក្សាសុខភាព តាមរយៈការអនាម័យការរស់នៅ ហូបស្អាត ផឹកស្អាត រស់នៅស្អាត ដើម្បីមានសុខភាពល្អ និងរស់នៅបានយូរអង្វែង ដើម្បីបន្តមើលការអភិវឌ្ឍរីកចម្រើន របស់ប្រទេសជាតិបន្តទៀត។ឯកឧត្តមបានបន្តថាសុំឲ្យមានការប្រុងប្រយ័ត្នខ្ពស់ចំពោះក្រុមគ្រួសារជាពិសេសមនុស្សចាស់ ក្មេងតូចៗ នៅពេលមានខ្យល់រឺភ្លៀង ហាមជ្រកក្រោមដើមឈើ ត្រូវរកកន្លែងមានសុវត្ថិភាពជៀសវាងគ្រោះមហន្តរាយធម្មជាតិ ដូចជារន្ទះបាញ់ ខ្យល់កន្តាក់រលំដើមឈើ រលំផ្ទះជាដើម ក្នុងនោះដែរបងប្អូនត្រូវប្រុងប្រយ័ត្នពីបញ្ហាសុខភាពដោយហូបស្អាត ផឹកស្អាត រស់នៅស្អាតចំពោះនារីដែលស្ថិតក្នុងវ័យបន្តពូជត្រូវទៅរកសេវាសុខាភិបាលដើម្បីថែរក្សាផ្ទៃពោះ ត្រូវពិនិត្យផ្ទៃពោះឲ្យបានទៀងទាត់ យ៉ាងហោចណាស់ឲ្យបានបួនដងមុនសម្រាល និងទៅសម្រាលនៅមន្ទីរពេទ្យឬមណ្ឌលសុខភាពដែលនៅជិតបំផុត បើសង្ស័យថាខ្លួនមានផ្ទុកមេរោគអេដស៍សូមទៅធ្វើតេស្តឈាមដើម្បីទទួលយកថ្នាំពន្យាជីវិតពីគ្រូពេទ្យនិងពិធីទប់ស្កាត់ការឆ្លងមេរោគពីម្តាយទៅកូន។ត្រូវគិតគូពីសុវត្ថិភាពតាមដងផ្លូវជៀសវាងគ្រោះថ្នាក់ចរាចរណ៍ ដោយនាំគ្នាគោរពច្បាប់ចរាចរណ៍ ពាក់មួកសុវត្ថិភាពក្នុងពេលបើកបរ ត្រូវបើកបរក្នុងល្បឿនកំណត់ បើកបរកុំជែងគ្នានិងកុំបើកបរក្រោមឥទ្ធិពលនៃគ្រឿងស្រវឹង ។ឯកឧត្តមក៏បានថ្លែងអំណរគុណចំពោះសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលតែងតែជួយប្រជាពលរដ្ឋជួបបញ្ហារងគ្រោះ ទីណាមានការលំបាកទីនោះមានកាកបាទក្រហមជានិច្ច ថ្វីត្បិតតែអំណោយទាំងអស់នេះបន្តិចបន្តួចមែនតែវាអាចជួយសម្រាលការលំបាកបងប្អូនបានមួយគ្រា។ បងប្អូនត្រូវត្រៀមលក្ខណៈដាំដំណាំរួមផ្សំដើម្បីបង្កើនជីវភាពគ្រួសារ។ ក្នុងការចែកអំណោយដល់គ្រួសារទាំង១២គ្រួសារ ក្នុងមួយគ្រួសារទទួលបាន អង្ករ ២៥ គីឡូក្រាម មី១កេះ ត្រីខ១យួរ សារ៉ុង ១ ក្រមា១ មុង១ ភួយ១ ។