អ្នកសារព័ត៌មានមកពីរតនគិរី ត្រឡប់ទៅវិញទាំងមិនបានដាក់ញត្តិ!

(ភ្នំពេញ) ៖ ចាងហ្វា

ងកាសែតពីរនាក់ បានមកដល់ខុទ្ទកាល័យសម្តេចតេជោ ហ៊ុន សែន មុខវត្តបទុមវតី ផ្លូវស៊ូស្រ៊ុន សង្កាត់ចតុមុខ ខណ្ឌដូនពេញ រាជធានីភ្នំពេញ ដើម្បីសុំពិភាក្សាជាមួយតំណាងខុទ្ទកាល័យសម្តេច តេជោ ក្នុងការរៀបចំធ្វើញត្តិនិងសុំអន្តរាគមន៍ពីសម្ដេច តេជោ មេត្តាជួយទប់ស្កាត់ និងបង្ក្រាបការកាប់ព្រៃឈើ និងជួញដូរព្រៃឈើខុសច្បាប់នៅខេត្តរតនះគីរី។

នាព្រឹកថ្ងៃទី១៩ ខែមិថុនា ឆ្នាំ២០១៧ នេះ លោក យុន ញ៉ ជាចាងហ្វាងកាសែត វាចារខ្មែរ និងលោក ជា លីហ៊ាង ហៅ ឆ លីហ៊ាង ជាចាងហ្វាងកាសែត រស្មីកូនខ្មែរ ក្រោយការផ្តល់យោបល់ពី តំណាងខុទ្ទកាល័យសម្ដេចតេជោផ្តល់យោបល់ ហើយបានត្រលប់ទៅវិញ ដោយពុំបានដាក់ញត្តិនោះទេ។

តាមលោក ជា លីហ៊ាង ហៅ ឆ លីហ៊ាង ជាចាងហ្វាងកាសែត រស្មីកូនខ្មែរ បានបញ្ជាក់កាលពីម្សិលម៉ិញដូច្នេះថា ជូនសម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ដើម្បីសម្ដេច ចាត់វិធានការ ចំពោះមន្ត្រីជំនាញ និងកងកម្លាំង  ប្រដាប់អាវុធណា  ដែលអសមត្ថភាព  និងអ្នក ជាប់ពាក់ព័ន្ធ ទៅនឹងពួកឈ្មួញ ធ្វើសកម្មភាពកាប់បំផ្លាញព្រៃឈើ ជាលក្ខណទ្រង់ទ្រាយធំ ដែលខ្ញុំបាទ  និងបងប្អូន  ក្រុមអ្នកសារព័ត៌មានយើង  បានចុះស្រាវជ្រាវ រុករកឃើញ  ឈើហ៊ុបមូល និងឈើហ៊ុបជ្រុងៗ  ដែលមានចំនួនជាង១០០០កំណាត់ឯណោះ  ដែលពួកឈ្មួញបានឃុបឃិតគ្នា លួចកាប់ អារជ្រៀក ឡាំងបួនជ្រុង បម្រុងលួចនាំឆ្លងដែន ចូលទៅលក់ ឱ្យឈ្មួញ  ក្នុងប្រទេសវៀតណាម ។

ចាងហ្វាងកាសែត រស្មីកូនខ្មែរ រូបនេះបានបន្តថា ករណីខាងលើក្រុមអ្នកសារព័ត៌មាន  ក៏បាននាំគ្នារាយការណ៍ទៅគណកម្មការ បង្រ្កាបបទល្មើសព្រៃឈើ ថ្នាក់ជាតិ កាលពីថ្ងៃទី០៣  ខែមេសា  ឆ្នាំ២០១៧ បន្ទាប់មក កងកម្លាំង អហ.លើផ្ទៃប្រទេ  បានសហការជាមួយ អហ.ខេត្តនិង អាជ្ញាធរមូលដ្ឋាន  រួមទាំងមន្ត្រីជំនាញ  បានចុះប្រមូល ដឹកជញ្ជូនយកមករក្សាទុក ជាទ្រព្យសម្បត្តិរដ្ឋ តាំងពីពេលនោះមក រហូតមកដល់ពេលនេះ  នៅមិនទាន់ដឹងថា តើប្រមូលអស់ ចប់សព្វគ្រប់ឬយ៉ាងណានោះទេ? ។

លោកបន្តថា «នេះហើយដែលជាភស្ដុតាងមូលដ្ឋានគ្រឹះ សរបញ្ជាក់ឱ្យឃើញថា មន្តី ជំនាញ និងកងកម្លាំង នៅទីនោះអសមត្ថភាពនោះ បន្ទាប់មកយើងត្រូវនាំគ្នា  ជួយស្រាវជ្រាវមើលថា តើមានការជាប់ពាក់ព័ន្ធ នឹងមន្ត្រីជំនាញ ឬកងកម្លាំងណាខ្លះ?  សូមឱ្យសម្ដេចតេជោ  ចាត់វិធានការ ឱ្យបានធ្ងន់ធ្ងរ តាមផ្លូវច្បាប់»៕